Donostiak bere kaleetan paseatzera, espazio naturalak ezagutzera, bere museoetan, bere tabernetan… sartzera gonbidatzen du. Donostiar hiritarrak jende abegitsua gara, gure hiria maite dugu eta hura bisitatzera, gozatzera eta bertan barneratzera animatzen zaituztegu, bere txokoetan, bere kulturan eta bere tradizioetan, modu jasangarri eta errespetagarri batean.
Gure jendearen egunerokoa errespetatzen duen turismoaren alde egiten dugu, kale, parke eta hondartzetako garbitasuna mantentzen duen turismoaren alde, eta tokiko merkataritzarekin eta jarduerarekin harmonian bizi den turismoaren alde.
Ongi etorri zure egonaldia bidaia, ostatu, aisialdiko jarduera eta abarrei dagokienez iraunkorra izan daitekeen hirira. Zure bidaia aberasten duen hiria, horrela etorkizuneko belaunaldiak bide bera egitera etor daitezen.

Donostiako lurzoru urbanizatuaren %20,3 berdeguneak dira.
Biztanleko 21 m2 berdegune ditugu (OMEk gomendatutako batez besteko balioaren bikoitza).
25 parke berezi eta 250.000 zuhaitz baino gehiago ditugu.
Gure azaleraren % 27,5 faunak babesten du, eta interes geologikoko eremua da.

80 km-ko bizikleta-bidea duzu.
Donostia bizikletaz joateko hiririk onenetakoa da (OCU).
Hiriko puntu nagusien artean oinez egin beharreko distantziak 15-20 minutuko erradioan daude, azalera lauan.

Txorrotako uraren kalitatea bikaina da, osasun kalifikazioaren arabera.
Hiru hondartzetako bainatzeko uraren kalitatea astero kontrolatzen da eta duela 15 urte baino gehiagotik “bikain” kalifikazioa mantentzen du. EMAS ziurtagiria duten hondartzak.
Airearen kalitatea “ona” edo “oso ona” izan da azken urteko 329 egunetan (airearen kalitatearen Europako indizearen arabera).
Donostia hiri isila da (biztanleen %11 bakarrik dago OMEk gomendatutakoak baino zarata-maila handiagoen eraginpean).

Hiri-hondakinen gaikako bilketaren ehunekoa % 41ekoa da.
Urtean 5000 tona hondakin organiko baino gehiago biltzen dira konposta egiteko.
Gure hotel eta jatetxeekin batera, programa jasangarriak lantzen ditugu: Plastikoa zero, Donostia zaborrik gabe…

Donostiarroi gure hiria gustatzen zaigu eta ondo pasatzea gustatzen zaigu. Hona hemen ideia batzuk, gure hiriaren errespetu eta zaintzatik bertako ohituretan murgiltzeko, bertako espazio, jende eta ohiturak errespetatuz.

Turismoaren garapen jasangarriaren alde egiten dugu, modu parte-hartzailean, guztion onari erantzunez.
Publikoaren eta pribatuaren arteko lankidetza sustatzen dugu. Tokiko 300 enpresarekin baino gehiagorekin lan egiten dugu, gure identitatea eta bizi-kalitatea zaintzeko.
Sustapen masibotik urruntzen gara, helburu estrategikoetara joz.
Gure bisitariak gonbidatzen ditugu hiria modu jasangarrian eta errespetuz bizitzera #DonostiaGreenDestination.

Donostia guztiontzat

Donostia San Sebastián Turismoak, helmugaren irisgarritasuna hobetzearekin kontzientziatuta, Donostiako monumentu, atrakzio eta zerbitzu turistiko nagusiek eskaintzen duten irisgarritasun mailako ezaugarrien diagnostikoa egin du. Irisgarritasuna hobetzeko lan egiten duen helmuga erosoagoa delako, seguruagoa, kalitate handiagoko eskaintzarekin eta arreta pertsonalizatuarekin.