3 egun Donostian
1. eguna: Parte Zaharreko altxorrak
Goizean, hiriaren bihotzera igoko gara, Urgull mendira. Handik bakarrik ikus daitezke hiriko 3 hondartzak, eta, horrela, hiriaren iragan militarraren lekuko diren harresiaren eta kanoien hondarrak ere ikusi ahal izango ditugu.
Ibilbide historikoa osatzeko, Motako Gaztelua bisita daiteke, baita Historiaren Etxea edo Ingelesen Hilerria ere.
Eguerdian portura jaitsi eta Parte Zaharrean barrena ibiliko gara, pintxo ospetsuez, miniaturazko sukaldaritzako plazerez eta, besteak beste, Bretxako merkatuaz gozatzeko.
Sartu Konstituzio plazan, Parte Zaharraren bihotzean, eta asmatu zergatik dituzten zenbakiak bertako balkoiek.
Bazkalordua!
Donostia bere eskaintza gastronomiko zabal eta askotarikoagatik nabarmentzen da. Aukeratu zure gustuetara, interesetara eta bisita egiten diguzun urte-sasoira gehien egokitzen den aukera.
Bazkalostean, Zuloaga plazako terrazetako batean kafetxo bat hartzea baino ezer hoberik ez dago. Bertan, San Telmo Museoak euskal kulturaren sekretuak gordetzen ditu.
Arratsaldean, gune erromantikoan barrena ibiliko gara tipi-tapa; Kontxako hondartza iritsitakoan, hurbildu hango baranda ikonikora, eta gozatu ilunabar ahaztezin batez.
Bisita gidatuak
Donostia begiratu hutsez ikus dezakezuna baino askoz gehiago da. Ezagutu hiriko eta inguruko txokorik ezkutuenak, ibilbide pertsonalizatuekin.
Non afaldu
Afaltzeko…
Eta eguna amaitzeko, zer hoberik bertako produkturik onenak probatzea baino, gure terraza ikusgarrietako batean itsasora begira!
Egun gehiago
Egun batean konkistatu egiten zaitu, hainbat egunetan maitemindu: esploratu, bizi eta Donostiak bere sekretuak erakutsiko dizkizu!
