Auzoz auzo
Erdialdea eta Alde Zaharra
Erdialdea eta Alde Zaharra hiriko alderdirik bizi eta zinezkoenetako bi dira. Tradizioa eta modernitatea uztartzen dira bertan, eta esperientzia paregabea eskaintzen dute bertakoentzat eta bisitarientzat.
Alde Zaharra: pintxoak, historia eta itsasorako bistak
Alde Zaharra Donostiako herrigune historikoa da, antzinako hiri harresituaren erdigunea eta hiriaren benetako gizarte-muina. Urumearen eta portuaren artean dago, Urgull mendiaren azpian, eta hantxe daude hiriko eraikinik zaharrenak, baita giro bizia ere.
Hango kale harriztatuetan pintxoz betetako tabernak eta historia askoko txokoak daude: Santa Maria Basilika, San Bizente eliza eta Konstituzio plaza animatua, Danborradaren eta beste jai batzuen epizentroa. Portuak, oraindik ere, itsas nortasuna mantentzen du, hango jatetxeekin, Itsas Museoarekin eta Aquariumarekin. Zuloaga Plazak eta San Telmo Museoak, berriz, euskal kultura ezagutzera gonbidatzen dute bisitaria, Urgullera igo eta hango behatokiez eta Motako Gazteluaz gozatu aurretik.
Hango kale harriztatuetan pintxoz betetako tabernak eta historia askoko txokoak daude: Santa Maria Basilika, San Bizente eliza eta Konstituzio plaza animatua, Danborradaren eta beste jai batzuen epizentroa. Portuak, oraindik ere, itsas nortasuna mantentzen du, hango jatetxeekin, Itsas Museoarekin eta Aquariumarekin. Zuloaga Plazak eta San Telmo Museoak, berriz, euskal kultura ezagutzera gonbidatzen dute bisitaria, Urgullera igo eta hango behatokiez eta Motako Gazteluaz gozatu aurretik.
Tenplu erlijiosoak eta Erdi Aroko gazteluak
Donostiako bizitza soziala Alde Zaharrean dauden Koruko Andre Mariaren Basilikaren eta San Bizente elizaren eta Erdiguneko Artzain Onaren katedral handiaren artean mugitzen da. Bi eliza horien artean lerro zuzen bat markatuz gero, kilometro eskaseko pasealeku bat daukagu, historiaz eta arkitekturaz betea, hirigune historikoa eta Gune Erromantikoa elkartzen dituena.
Erdigunea: erosketak eta ondarea Gune Erromantikoan
Harresiak eraitsi ondoren, hiriaren erdigune sozial eta ekonomikoa altxatu zen: Gune Erromantikoa. Hango kaleetan, ondare arkitektoniko aberatsa, zenbait toki enblematiko eta paseatzeko guneak uztartzen dira, esaterako, Udaletxe aurreko Alderdi Eder lorategiak. Bulebarraren bidez lotzen dira Alde Zaharra eta ingurune hori, zeina erosketen epizentroa baita, halaber. Hantxe daude Urbieta, Getaria eta Hondarribia kaleak, tokiko boutiquez eta nazioarteko markaz beteak.
Joyas de la Belle Belle Époque Donostian
Gune Erromantikoak ezin hobeto islatzen du Belle Époque garaiko dotorezia, estilo frantseseko eraikin handi asko baititu. Udaletxea, Victoria Eugenia Antzokia eta Maria Cristina Hotela Donostiak XIX. mendearen amaieran izan zuen eraldaketaren lekuko dira. Nahitaezko bisita da, era berean, Artzain Onaren Katedrala, arkitektura neogotikoaren adibide bikaina, hiriaren historian eta xarman barrena egindako ibilbide hau osatzeko.
Pintxoen eta euskal sukaldaritza tradizionalaren sorlekua
Pintxoa Donostiako gastronomiaren bereizgarri garbia da. Hiriko ia taberna guztietako barrak pintxoz beteta aurkituko dituzu, baina gehienak Alde Zaharrean daude; hain zuzen, jaki goxo horien bankete bihurtzen diren taberna eta jatetxez beteta dago. Aprobetxatu tabernaz taberna eta pintxoz pintxo ibiltzeko, esperientzia benetako donostiar baten gisara bizitzeko.
Gainera, Erdigunean eta Alde Zaharrean daude hiriko jatetxerik ezagun eta zaharrenak. Gozatu euskal gastronomiaz giro eta dekoratu tradizional batean. Edo ausartu abangoardiako lokalak eta haietako sukaldaritza berritzailea probatzen.
Gainera, Erdigunean eta Alde Zaharrean daude hiriko jatetxerik ezagun eta zaharrenak. Gozatu euskal gastronomiaz giro eta dekoratu tradizional batean. Edo ausartu abangoardiako lokalak eta haietako sukaldaritza berritzailea probatzen.
Donostian parrandan irtetea
Donostian parrandan irteteko lokal nagusiak Alde Zaharrean, Erdigunean, Errege-erregina Katolikoen inguruan eta Grosen daude. Gauez, eremu horietako kaleak gustu guztientzako toki bihurtzen dira. Auzo honetako jazz-tabernak, pubak eta tabernak goizeko lauak arte egoten dira zabalik, parrandan irten nahi dutenentzat.
Alde Zaharraren bihotza
Donostiarrek “Konstia” deitzen diote Konstituzio Plazari, eta tokiko bizitzaren erdigunea eta jai garrantzitsuenen agertokia da; hain zuzen, han igo eta jaisten da bandera San Sebastian Egunean, eta han egiten da San Tomas eguneko azoka. Plazaren inguruan balkoi zenbakitu bitxiak dituzten eraikin koloretsuak ikusiko dituzu —palko gisa erabiltzen baitziren zezenketetan—, eta jatetxe eta taberna tradizionalak ere badaude, tokiko pintxo eta produktu onenez gozatzeko.
Zer jan nahi duzu gaur?
Donostiak kolore eta zapore guztietako jatetxeak ditu. Pintxotan ibil zaitezke, edo lapikokoa jan, eserita zein zutik, leku fin batean edo taberna herrikoi batean.
Ostatatzea Donostiako erdigunean
Ostatu hartzeko aukerak aurrekontu guztietara moldatzen dira: hor dago Maria Cristina luxuzko hotela, baina baita Alde Zaharreko ostatu atseginak ere, adibidez. Zure aukera edozein dela ere, hiriko erakargune nagusietatik urrats batera egongo zara.
