Intxaurrondo Apain
29 Urria 00:00 – 01 Azaroa 23:59
Antolatzen du: Donostia Kultura
Informazio gehiago nahi baduzu, antolatzailearen xehetasun-fitxan.
Intxaurrondo Apain (edo Intx’Apain) hiru egunez Intxaurrondoko auzoko hamar bat horma hiri-arteko sorkuntza eta topaketarako gune bihurtuko dituen hiri-arte jaialdia da. Euskara izango da horma-irudiak sortzeko ardatz nagusia, Zein da zure hitza? leloaren haritik. Artistak eta herritarrak hitzak abiapuntu hartzera gonbidatuko ditu, sortzeko, partekatzeko eta elkar topatzeko.
Musikak, rapak, bertsolaritzak, breakdance-ak, tailerrek eta ikastolekin, auzoko elkarteekin eta eragileekin batera garatutako proposamen parte-hartzaileek osatuko dute egitaraua. Hala, esku-hartze artistikoak lagunduko dituzte eta jaialdia guztion artean bizitzeko esperientzia kolektibo bihurtuko dute.