Nire izena R2-KT da eta Star Wars sagako R2-D2 droide txikiaren kopia bat naiz. Zerk desberdintzen gaituen? Arrosa kolorekoa naizela. Nire sortzaileak lan gogorraren ostean mundu mailako hirugarren R2-KT alea eraikitzea lortu duten donostiar taldea dira. Lehen droide arrosaren sortzaile Albin Johnsonek ezagutzen nau eta asko poztu zen Galaxiako borrokarik gogorrenean parte hartuko dudala jakitean, Haurren Minbiziaren kontrako Borrokan, hain zuzen. Udan, Donostiako kaleetan zehar ikusiko nauzue nire laguntzaile inperialen babesean. Zergatia jakin nahi duzu? Ez galdu nire argitalpenak. Zure zain nago!
