Sagardotegi esperientzia Astigarragan
Deskribapena
Sagardoaren kulturan oinarrituriko esperientzia
Esperientzia honekin sagardoaren kulturan barneratuko zara Sagardoetxea Sagardoaren Museoko bisita gidatua eta Alorrenea sagardotegiko otorduaz gozatzen duzun bitartean.
Sagardoetxea sagardoaren kulturaz gozatzeko lekua da, euskaldunen identitate eta ohituren ezaugarri. Naturarekin harremanetan ikasteko leku bat, ikusi, ukitu eta dastatuz...
Sagardoaren kulturan barneratzeko 3 gune dauzka:
- SAGASTIA: Sagastia aire librean dagoen gunea da eta sagarraren kulturaz modu dinamiko eta pedagogikoan gozatzeko aukera ematen du. Bertan sagar mota nahiz barietateak, txertaketak eta sagarra biltzeko, txikitzeko eta prentsatzeko moduak ezagutzen dira.
- MUSEO-GUNEA: Sagardogileen tresna, ikus-entzunezko, azalpen panel, joko eta argazkien bidez sagarra eta sagardoaren historia, sagardoaren kultura eta sagardoaren elaborazio prozesua ezagutzen dira.
- DASTALEKUA: Sagardoetxearen hirugarren gunea sagardoa nahiz sagarraren eratorrien dastaketari eskainia dago. Txotx-eko errituaren ohituran barneratzeko aukera ematen du, sagardotegira joan aurretik.
Esperientziarekin amaitzeko, nahi izan ezkero Alorrenea sagardotegian sagardotegiko ohiko menuaz gozatzeko aukera izango duzu: bakailao tortila, bakailao frijitua piperrekin, txuleta, gazta intxaurrekin nahiz irasagarrarekin eta sagardoa. Ahaztuko ez duzun esperientzia biziko duzu!
Informazio praktikoa
| HERRIA | Astigarraga |
|---|---|
| TOPAGUNEA | Sagardoetxea - Kale Nagusia, 48 (20115 Astigarraga) |
| IRAUPENA | 3 ordu inguru |
| ORDUTEGIA: Bisita gidatua eta sagardotegia |
Bisita Sagardoetxean eta bazkaria Alorrenea Sagardotegian: Bisita eta afaria Alorrenea Sagardotegian: |
| HIZKUNTZA | Euskara, gaztelania eta ingelesa *frantsesa (aurrezko erreserbarekin) |
| GARRAIOA | Garraio pribatua ez dago sartuta. |
| PREZIOA: Museoa eta sagardotegia | Helduak: 45 €(menu tradizionala) Gaztea (7-17 urte): 23,50 €(Menu berezia: tortilla, haragia eta izozkia) Haurrak (0-6 urte): 20 € (Menu berezia: tortilla, haragia eta izozkia) |
| GARRANTZITSUA EROSKETA EGITEAN | Bisita zein hizkuntzatan egin nahi duzun adierazi |
| HORNITZAILEA | Sagardun Partzuergoa |
| OHARRA | Irteera ziurtatua lagun batetik aurrera. |
- NOIZ EROSI
Jarduera lehenbailehen erostea gomendatzen dugu, eskuragarri izango duzula ziurtatzeko. - ORDAINTZEKO ERA
Erosketa segurua Visa edo Mastercard txartelaren bidez. - EZEZTATZEAK
Ezingo da erosketa ezeztatu zerbitzua emateko 48 ordu baino gutxiago falta direnean. Begiratu kontratazio baldintza orokorrak informazio gehiago nahi baduzu. Ezeztatzeko formularioa zure esku dago. - FROGAGIRIA
Erosketa amaitzean e-mail bidez jasoko duzu egiaztapena. Horixe baino ez duzu behar; eraman ezazu zeure mugikorrean jardueraren egunean.
