Donostia / San Sebastián, helmuga jasangarri eta arduratsua

Donostia hiri irekia eta abegikorra da, turismo jasangarri eta kalitatezkoaren alde egiten dugu lan

Donostia hiriko kaleetan paseatzera, naturaguneak ezagutzera, bertako museoetan, tabernetan... sartzera gonbidatzen duen hiria da. Donostiarrok jende abegitsua gara, gure hiria maite dugu eta, modu jasangarri eta adeitsu batean, hiria bisitatzera, gozatzera eta bertako txokoetan, kulturan eta tradizioetan barneratzera animatzen zaituztegu.

Gure egunerokotasuna errespetatuko duen turismo baten alde egiten dugu apustu; kale, parke eta hondartzetako garbitasuna mantenduko duen turismoa, eta tokiko merkataritzarekin eta jarduerarekin harmonian biziko dena.

Gure hirian egingo duzun egonaldia jasangarria izan daiteke bidaiei, ostatuei eta aisialdiko jarduerei dagokienez; beraz, ongi etorri! Hiri honek zure bidaia aberastu egingo du; horrela, etorkizunean bisitatuko gaituzten belaunaldiek bide bera egin ahal izango dute.

Zer da Donostia Green Destination?

Ba al zenekien…?

 

• Donostiako hirigunearen %20,3 berdegunea da.
• Biztanleko 21 m2-ko berdegunea dugu (OMEk gomendatutako batez besteko balioaren bikoitza).
• 25 parke berezi eta 250.000 zuhaitz baino gehiago ditugu.
• Gure zoruaren % 27,5 babestuta dago, faunarengatik eta interes geologikoko eremua izateagatik.

 

• 80 km-ko bidegorriez goza dezakezu
• Donostia bizikletan ibiltzeko hiririk onenetakoa da (OCU).
• Hiriko puntu nagusien arteko distantzia 15-20 minutu artekoa da oinez, eta bidea laua da.

 

• Iturriko uraren kalitatea primerakoa da, osasun-kalifikazioaren arabera.
• Hiru hondartzetako bainatzeko uraren kalitatea astero kontrolatzen da, eta duela 15 urte baino gehiagotik osasun-kalifikazio ofizialari eusten dio: "bikaina". Playas con certificado EMAS.
• Airearen kalitatea "ona" edo "oso ona" da" izan da azken urteko 329 egunetan (airearen kalitatearen Europako indizearen arabera)
• Donostia hiri isila da (herritarren %11k soilik jasotzen du OMEk gomendatutako zarata maila baino altuagoa).

 

• Hiri hondakinen gaikako bilketaren ehunekoa % 41ekoa da.
• Urtean 5.000 tona hondakin organiko baino gehiago biltzen dira konposta egiteko.
• Gure hotel eta jatetxeekin batera, programa jasangarriak latzen ditugu: Zero Plastik, Donostia xahuketarik gabe...

+Plan jasangarriak

+Ekimen jasangarriak

+Ostatu jasangarriak

+Jatetxe eta taberna jasangarriak

Nire gidaliburua donostiarra sentitu nadin

Donostiarrok gogoko dugu geure hiria, baita ondo pasatzea ere. Hona hemen zenbait ideia gure hirian murgildu zaitezen gure hiria errespetatuz eta zainduz, bai eta zainduz ere hiriko espazioak, bizilagunak eta ohiturak ere.

+Donostiar erara bizitzeko hainbat aholku

Donostia Turismoa, turismoaren garapen jasangarriarekin konprometituta

Turismo jasangarriaren aldeko apustua egiten dugu, herritarren bizi kalitatea baita gure abiapuntua

+Donostia konprometituaren dekalogoa

• Turismoaren garapen jasangarriaren aldeko apustua egiten dugu, modu parte hartzailean guztion onerako izango dena.
• Lankidetza publiko-pribatua sustatzen dugu. Tokiko 300 enpresa baino gehiagorekin egiten dugu lan, gure nortasuna eta bizi kalitatea babesteko asmoz.
• Sustapen masibotik aldendu egiten gara, target estrategikoak xedetzat hartuta.
• Gure bisitariak hiria modu jasangarrian eta errespetuz bizitzera gonbidatzen ditugu #DonostiaGreenDestination.

Helmuga irisgarria

Donostia guztiontzat

Donostia Turismoak, turismogunearen irisgarritasunaren hobekuntzarekin kontzientziatuta, irisgarritasun mailan monumentu nagusiek, atrakzioek eta Donostiako zerbitzu turistikoek eskaintzen dituzten ezaugarrien diagnostikoa egin da. Izan ere, irisgarritasuna hobetzeko lan egiten duen turismogunea turismogune erosoagoa, seguruagoa, kalitate handiagoko eskaintza eta arreta pertsonalizatua eskaintzen duena da.