Igeldo mendia
Ikuspegi onenak dituen jolas-parkea
Igeldo mendia Kontxako badiaren, mutur batean dago, itsasoaren eta hiriaren arteko muga eginez. Iragana eta oraina batzen dira toki honetan. Bertako jolas-parke haurtzaroa gogoratuko duzu. Nekez topatuko duzu halakorik gaur egun! Iraganera bidaiatuko duzu 1912ko funikularra, hartuta, eta, bertatik, hiri osoa ikusteaz gain, Hiriaren ikuspegi enblematikoena ere izango duzu.
Gipuzkoako kostaren zati eder bat eta Kantauri Itsaso izugarria ere aurrez aurre izango dituzu. Badiako lasaitasunaz gozatu ahal izango duzu, baita olatuen indarraz ere, itsaslabarrei kolpeka ari diren bitartean. Sekretu bat, jolas-parke bat, gorde-gorderik duen tokia, "Belle Epoque" garaiko esentzia galdu ez duena.
Igo zaitez 100 urte baino gehiago dituen igeldoko funikularrera
Kremailera-funikular honek egurrezko bagoiak ditu; mendiaren magalean hartu eta goiko jolas-parkeraino eramango zaitu. Inauguratu zuten garaiko esentzia gordetzen du: 1912ko abuztuaren 25ean ireki zuten, eta Euskal Herriko funikularrik zaharrena da.
Igeldo mendira igotzea urteetan atzera egitea da. Ibilbidea geltokian hasiko da, hiriko auzune politenetako batean, Haizearen Orrazitik. gertu. Igotzen ari garela, hiria behean utzi, eta bidaiak eskaintzen duen natura eta bistak gozatu ahal izango dituzu.
Garai bateko donostiarrek mendi-tontorrean zeuden kasinora edo dantza-aretora igotzeko egiten zuten bidaia berbera egingo duzu. Txango pintoreskoa, erromantizismo kutsua dariona: ibilbidearen amaieran topatuko duzunaren iragarpen bat baino ez.
Funikularrak zuzenean Igeldo mendiko jolas-parkera, eramango gaitu, egun geratzen ez diren horietako batera. Garai bateko atrakzioen artean –Mendi Suitzarra eta Ohe Elastikoak, adibidez–, zoratzen ibiliko dira guztiak, haur eta gazte.
Funikularra Igeldo mendian gora. Argazkia: Javier Larrea
Vintage jolas-parkea, geratzen ez diren horietakoa
Igeldo mendira iristean, fantasiazko mundu batean sartuko zara. Tradizio handiko jolas-parkea: alfonbra magikoak, itsaso gainean dantza egiten duten mendi suitzarrak, etxe sorgindua, labirintu infinituak eta ibai misteriotsuan nabigatzen zoazela diosal noiz egingo zain izango dituzun itsas lamiak.
Hainbat atrakziok iraganera eramango zaituzte: Mendi Suitzarrean adrenalina bor-bor ipintzea, Barrearen Pasealekuan algaraka lehertzea, Labirintu Magikoan galtzea edota jolas-etxeez gozatzea.
Hemen ez duzu topatuko ehunka kilometro orduko abiaduran dabilen jolas ikusgarririk; patxadaz gozatzeko jolas-parkea da, minutuz minutu dastatzekoa. Guztira hogei atrakzio ditu jolas-parkeak. Ez duzu, ez, nonahi topatuko halakorik! Izan ere, XX. mende hasierako jolas-parkeen esentzia eta edertasuna gordetzen ditu, eta txikien zein nagusiei atsegin emango die.
Parkearen erdian Dorrea altxatzen da. S-en eraikia. XVIII leku bitxia da, edozein pelikula fantastikotatik aterea dirudien eszenatokia.
Abenturazaleek esperientzia paregabea biziko dute Canopy Donosti Aventura bisitatzen badute hiriko lehen tirolina-parkea. Bertan, altuera-sentsazioak eta Kantauri itsasoari eta Kontxako badiari begira dauden ikuspegi zoragarriek haien bisitaren oroitzapen ezabaezina utziko dute.
Canopy tirolina-parketik badiaren ikuspegia
Igeldo mendiko jolas-parkeari buruzko informazio gehiago
Begiratokitik, donostiako argazki enblematikoena aterako duzu
Baina atrakzio guztien artetik, bada bat berezi-berezia. Donostiako badiaren gaineko begiratokia: bertatik, hiriaren gaineko panoramika enblematikoenetako bat ikusi ahal izango duzu.
Hainbat atrakziok iraganera eramango zaituzte: Mendi Suitzarrean adrenalina bor-bor ipintzea, Barrearen Pasealekuan algaraka lehertzea, Labirintu Magikoan galtzea edota jolas-etxeez gozatzea.
Podrás ser protagonista de la posta-txartel tipikoaren protagonista izango zara. Eta han goian egotearen magia sentitu ahal izango duzu, mendiaren tontorrean eta dorrearen barrenean, jolas-parke pintoreskoaren alboan eta Kontxako badiaren gainean.
Ilunabarra Igeldo mendiaren begiratokitik.
Begiztatu ilunabar zoragarri bat jatetxetik
Atrakzio guztiez gozatu ondoren eta haurtzarora bueltatu ostean, bada toki bat Igeldo mendian aperitibo eder batez gozatzeko..
Itsasoa eta badia begietatik galdu gabe, dorrearen azpiko jatetxeak zentzumen guztiei atsegin emango die.
Jatetxearen terrazatik sekulako ilunabarrak gozatuko dituzu. Ikusiko duzu nola zeruak laranja-kolorea hartzen duen poliki-poliki, eta eguzkia horizontean nola desagertzen den, harik eta itsasoak jaten duen arte.
Igeldo mendiko jatetxearen terraza
Hartu ostatu hotelean, hiria gauez miresteko
Egunez agertokia sekulakoa baldin bada, gauez magikoa irudituko zaizu. Mendi-tontorrean dagoen hoteletik,, hiria argiztatuta ikusiko duzu. Ez dago, ez, edonoren esku, agertoki honekin gozatzeko aukera!
Lau izarreko hotela, igerileku eta guzti, Donostian esperientzia bakarra bizi izan dezazun, zerbitzurik finenak eta aurreratuenak esku-eskura dituzula.
Mercure Monte Igueldo hotelari buruzko informazio gehiago
Itsasargitik kantauri kostaldearen edertasuna gozatuko duzu
Igeldo mendiaren hegalean, itsas zabalari begira, itsasargiarekin topo egingo dugu. Naturaz inguratuta, paradisua dirudien paisaiaren erdian, itsaso itzela aurrez aurre duela. Hotelaren terrazatik, Gipuzkoako kostaldearen zati eder bat ikus daiteke, eta zinezko arratsaldeez gozatzeko aukera eskaintzen du.
Ontziek itsasoko olatuen moduan mendi-hegal arrokatsuekin talka ez egiteko, 1855ean altxatu zuen itsasargi hori Manuel Peironcely bide-ingeniariak. Harrezkero, gauero-gauero zeruertza argitzen du, nabigatzaileei ohartarazteko Donostiako kostaldeko itsasertz gaindiezinetara gerturatzen ari direla.
Itsasargi hau Igeldo mendi tontorreko dorrearen ordez ipini zuten. Aurreko itsasargiak, 1748an eraikiak, hamaikatxo nabigatzaileri eman zien abisu, argi finko baten bidez. Karlistaldiek eten zuten behin betiko argi hura, eta orduan ipini zuten gaur egun ezagutzen dugun instalazioa.
Donostiako itsasargia toki aparta da itsasoaren edertasunaz eta Igeldoko itsaslabarrez gozatzeko.
DIgeldo mendiaren tontorrean ere gozatuko duzu Kantauri kostaldearen handitasunaz.
Ibilaldi bat historian eta kulturan, paisaia enblematiko batez inguratuta
Bada paseo bat Donostian, iraganetik gure egunotara eramango zaituena; hiriko historia eta kulturaz blaituko zaitu, Donostiako txokorik nabarmenetatik tipi-tapa zoazen bitartean.
Ibilaldia Kontxako eta Ondarretako hondartzen gaineko atalaian hasten da, Miramar jauregia dagoen tokian. Jauregi honen egitura arkitektonikoa ohikoagoa da Ingalaterrako landan Euskal Herrikoan baino; Chillidaren eskulturaz apaindutako lorategiak ditu bueltan, Donostiako badiara begira-begira.
Maria Kristina erreginak uda-partea Donostian igarotzen zuen garaian eraikia da, 1892an. Miramar jauregia da hiriak gaur egun Belle Époque garaitik gordetzen duen ikono handietako bat.
Miramar jauregia atzean utzi, eta bideak Ondarretako hondartzan barrena jarraituko du. Pausoz pauso, Kontxako badiak irudi desberdina eskainiko dizu. Halaber, Santa Klara uhartea agertuko zaizu aurrez aurre, ikusgarri; txoko eta alde guztietatik gozatu ahal izango duzu haren edertasuna, zein baino zen.
Badia inguratzen duen ibilaldia amaitzeko, itsasoa eta artea jostari ibiltzen diren tokia: Haizearen Orrazia. Chillidaren eskultura multzoa nola ere ezin da falta zure oporretako argazki-bilduman.
Ibilaldia amaitzeko, zer hoberik iraganera bidaiatzea baino: 1912an eraikitako funikularra hartuko dugu, garai hartako esentzia gordetzen duena.
Fantasiaz betetako agertoki batera eramango zaitu: garai bateko jolas-parke batera. Ezetz topatu beste inon halakorik! Atrakzio enblematikoak topatuko dituzu bertan: labirintua, ispilu magikoak dituen Barrearen Pasealekua edota itsasoaren gainetik igarotzen den Mendi Suitzarra.
Igeldo mendiaren balkoitik ateratako hiriaren oroigarriak ezin du huts egin Donostiako zure albumean.
