Eureka! Zientzia Museoa eta planetarium

Dibertitu eta ikasi Eureka! Zientzia Museoan

Eureka! Zientzia Museoa gure gizartearentzako kultura eta hezkuntza baliabide bat da. Donostiako Miramongo Parke Teknologikoan dago, ingurune natural ikusgarrian, eta museo interaktiboa da. Izan ere, informazioa modu erakargarrian aurkezten du eta komunikazio estilo berria du, objektuen maneiuan eta esperimentuetan oinarritua. Museoak inguru bizia eskaini nahi du, zientziaren eta teknikaren munduarekin loturiko jardueretan parte hartzeko. 

Zentroak erakusketa iraunkor bat du,  azken belaunaldiko 3D PLANETARIUM digitala ere badu Eureka! Zientzia Museoak. Horrez guztiaz gain, hauek ere baditu: astronomia-behatokia (30 m-ko dorre batean), Foucaulten pendulua (14 m-ko beirazko dorre batean) eta animazio eta ikuskizun ugari (elektrizitatearena da aipagarriena, Espainiako estatuko bakarra). Jolas-eremu bat ere badago. Aipatzekoak ere museoko azken bi nobedadeak: Plastinatuen aretoa non barrundik nolakoak garen ikusi ahal izango dugun eta Animalia gunea, 20 espezie ezberdinetako animalia bizidunekin.

Kanpoko lorategietan maketa-multzo bat (Gipuzkoako ondare-eraikinen maketak) eta lorategi botaniko txiki bat daude. Aparkalekua doakoa da. Bisita errazteko eta erosoagoa izan dadin, kafetegia/jatetxea, denda, haurrentzako parkea, konsignak eta piknikgunea ere jarri ditu museoak bisitarien eskura.