Oria ibaiaren jaitsiera librea kayaken

Gaur egun Euskal Herriko ibaietan ekintza gutxi dagoen arren, antzinan itsasontzi askok nabigatzen zuten Oria ibaitik, pertsonak, animaliak eta merkataritzako produktuak garraiatzen zituztelarik. Guzti honengatik, historia eta istorio askoz beteriko ibaia da Oria. Oriaren jaitsierak paisaia eta balio natural handiko inguruneak ezagutzeko aukera emango digu kayakean.

Arraunetxen biltzen gara, eta bertan aldatu eta gauzak prestatu ondoren, Aginagara eramaten zaituztegu furgonetetan. Bertan, uretara sartu aurretiko azken azalpenak eman eta ekintzari hasiera ematen diogu. Ekintza, aldagelak eta dena kontuan hartuta, 3 ordutan egin daitekeen arren, geratzeko tokiak daudenez, janari pixkat eraman eta lasai hartzea gomendatzen dugu, paisaiaz gozatu ahal izateko. Ekintza berriro ere Arraunetxera iristean amaitzen da.

Ibaia lasaia denez eta galbiderik ez duenez, adin guztietako pertsonentzat da egokia (umeak, gazteak, helduak, adineko jendea…), baina igerian edo txalekoarekin flotatzen jakitea ezinbestekoa da.