Adarra Saria 2026: Pantxo eta Peio
Informazio gehiago nahi baduzu, antolatzailearen xehetasun-fitxan.
Adarra Saria emango zaio euskal musikaren ondareari ekarpen handia egin dion musikari edo ekimen bati, hamahirugarren urtez. Saria ekainaren 21ean, Musikaren Europako Egunean, Victoria Eugenia Antzokian banatzen da urtero.
Pantxoa eta Peio bikote aitzindariak 2026ko Adarra Saria jasoko du oholtzan Jon Insausti Donostiako alkatearen eskutik eta segidan kontzertua eskainiko dute Iñaki Dieguez (eskusoinua), Mixel Ducau (gitarra), Dánae Riaño (baxua), Gorka Pastor (teklatuak) eta Josu Erbiti (perkusioa) musikariez lagunduta.
Garaian, ehundaka kantaldi eskaini zituen Peio eta Pantxoa bikoteak Euskal Herri osoan barna. Milaka lagun, milaka bizipen, milaka kilometro.
2027ko urtarrilean eskainiko dituzten azken bi kantaldien aurretik, berrogei urtetik gorako ibilbidetik gogoan iltzatuak dituzten zenbait toki hautatu dituzte, bikotearentzat garrantzia sinboliko berezia dutenak, azken bira bat egiteko.