Zaldi lasterketek, eta batez ere Urrezko Kopak, Le Défi du Galop izen handiko lehiaketaren barnean jokatzen denak, ehunka jokalari eta ikusle erakartzen ditu, udako arratsalde bizi horietan une atsegin bat pasatzeko gogoz. Ekainaren 11n ekin zitzaion udako denboraldiari, eta zaldiketa gustuko dutenentzat, egun seinalatua izan ohi da aipatutakoa.

Sarreren prezioa honakoa da: helduek 10€tan eskura ditzakete, gazteek eta jubilatuek 8€tan eta gainerakoek doan sartzeko aukera izango dute. Egutegiko egunik garrantzitsuena abuztuaren 15a izan ohi da, Urrezko Kopa egoten baita lehian, eta egun horretarako sarrera zertxobait garestiagoa da (15 eta 11€ hurrenez hurren). Ordutegiei dagokienez, goizeko lasterketak 11:15/11:30ean hasten dira eta arratsaldeko saioak, berriz, 17:05 eta 17:30 bitartean.

Lasterketez gain, etxeko txikientzako jarduerak egongo dira, hala nola, poneyan ibiltzea, haur-parke berrituaz gozatzeko aukera edota aisialdiko klubean jarduerak egitea bertan egongo diren hiru begiraleekin. Jarduera hauek doakoak dira.