“Donostia Green Destination” ikurra sortu da hirian garatzen diren ingurumen-, gizarte- eta kultura-jasangarritasunarekin lotutako ekimen guztiak bateratu, ikusgarri egin eta sustatzeko.

Helburua da hiri eta turismo jasangarriagoa bultzatzea, eta bisitariei gonbita egitea hiria modu jasangarrian eta errespetuz bizitzeko, horretarako plan, jarduera, ekimen eta aholku praktikoak eskainiz.

Era berean, ekimen honen barruan sartzen dira administrazio publikoen ingurumen-praktika onak eta programak, bai eta nazioartean aitortutako ziurtagiriak ere.
“Donostia Green Destination” ikurrak aukera ematen du gure webgunean aurkituko dituzun leku, ekintza, zerbitzu, azpiegitura eta plan jasangarri guztiak identifikatzeko.

Ziurtagiri ekologiko edo ingurumen-ziurtagiria ebaluazio-erakunde batek emandako akreditazioa da, zeinak bermatzen baitu produktu, zerbitzu, prozesu edo kudeaketa-sistema jakin batzuk ingurumenarekiko errespetuz egin direla eta, hala badagokio, dagokion ingurumen-araudiari jarraiki.

Ziurtagiri hauek, ingurumen-jokabidea hobetzeko balio izateaz gain, interesdun eragileei (bezeroei, tokiko komunitateari, langileei, hornitzaileei, akziodunei, etab.) erakusten diete turismo-zerbitzuek ziurtagiri bakoitzak eskatutako ingurumen-baldintzak betetzen dituztela.

Turismo-sektoreari dagozkion ingurumen-ziurtagirien artean, denak borondatezkoak izanik, erabilienak honakoak dira:

Zerbitzuen ingurumen-inpaktu nagusietan oinarritutako irizpide zorrotzen bidez, bermatzen da EBko etiketa ekologikoa duten turismo-ostatuak merkatuan ingurumen-jokabiderik onenetakoen artean egotea.

Zehazki, etiketak honako hauek bermatzen ditu:
• Turismo-ostatuaren ingurumen-kudeaketa optimizatua.
• CO2 emisioen eta energia-kontsumoaren murrizketa.
• Ur-kontsumo txikiagoa.
• Substantzia kimiko gutxiago erabiltzea.
• Hondakinen sorrera txikiagoa eta haien kudeaketa optimizatua.
• Garraioaren ondoriozko emisio gutxiago.
• Elikagaien xahuketaren mugatzea.

Ziurtagiri hau jasangarritasun-printzipioetan oinarritzen da; beraz, ingurumen-irizpideez gain, hotelaren kokalekuko tokiko komunitatearekin lotutako alderdi ekonomiko eta sozio-kulturalak ere barne hartzen ditu.

Ziurtagiri honen bidez lantzen da Turismoari 17 Garapen Jasangarriko Helburuetara (GJH) egokitzapena, OMTren azterketa eta adierazleen, Munduko Itunaren, EBko adierazleen eta Global Sustainable Tourism Council (GSTC) erakundearen irizpideen bitartez.