Antigua auzoak denetarik dauka: Ondarreta hondartza, Haizearen Orrazia, Miramar Jauregia… eta hiriko pintxo goxoenetariko batzuk! Ez da harritzekoa antiguatarrek auzotik atera nahi ez izatea.
Antiguara iristeko Kontxa pasealeku osoa zeharkatu behar da eta, ondoren, Miramart tunela, ur azpian zaudela sentiaraziko dizuna. Begiratu gora eta ulertuko duzu!
Lehenengo, Gorgatxo plazara joango gara, frontoi ondora eta, Antigua itsas bazterrean egonik, gure herrian tradizio handia duen arrain batekin hasiko gara: bakailaoa urinean emana pistatxo emultsioarekin.
Antiguara iristeko Kontxa pasealeku osoa zeharkatu behar da eta, ondoren, Miramart tunela, ur azpian zaudela sentiaraziko dizuna. Begiratu gora eta ulertuko duzu!
Lehenengo, Gorgatxo plazara joango gara, frontoi ondora eta, Antigua itsas bazterrean egonik, gure herrian tradizio handia duen arrain batekin hasiko gara: bakailaoa urinean emana pistatxo emultsioarekin.
Antiguako garagardotegia
Bakailaoa urinean emana pistatxo emultsioarekin
Gero, auzoko kale nagusiena hartuko dugu, Matia kalea, eta handik Erregezain kale ezkutura sartuko gara. Bertan, Oliyos taberna topatuko dugu, betiko taberna horietako bat eta niri hainbeste gustatzen zaidan pintxoa egiten duena: arrain pastela legatzarekin, krabarrokarekin eta itsas zapoarekin.
Oliyos taberna
Arrain pastela legatzarekin, krabarrokarekin eta itsas zapoarekin
Matia kalera itzuli eta aurrera egingo dugu Zarautz hiribideraino, eta hantxe izango dugu La Rebotika, txingarra espezialitate duen jatetxea. Hemen saria duen pintxo eskatzen dut, Arzak pintxoa, gure sukaldari handiaren omenez egindakoa, betiko arrautza frijituak pikillo piperrarekin dastatzeko modu berezi bat.
La Rebotika
Arzak pintxoa
Eta azkenik, unibertsitate ingurura joango gara, Kiki tabernan vermuta entsaladilla errusiarrarekin hartzera. Beti betikoa.
Bar Kiki
Entsaladilla errusiarra
