100 urtez beti alai!
Aurten 100 urte bete dira, Konstituzio Plazan San Sebastian egunean lehen aldiz Donostiako bandera igo genuenetik, emozioz, nortasunez eta harrotasun kolektiboz betetako tradizioari hasiera eman zion keinua. Ordutik, belaunaldiz belaunaldi, hiria bere balioen, historiaren eta ospatzeko modu bakarraren inguruan lotzen duen une sinboliko hori bizirik mantendu du.
Hainbeste poz partekaturen lekuko den plaza, urtemuga borobil baten eszenatokia da berriz ere. Konstituzio Plazak iragana gogoratzera, oraina ospatzera eta etorkizunari ilusioz begiratzera gonbidatzen gaitu. 100 urtez beti alai!
Bagera…! Gu ere bai…! Gu beti pozez, beti alai
Danborrada da urtero, urtarrilaren 20an, Donostiak bere patroiaren eguna ospatzen duen festa. Danborradaren edo San Sebastian egunaren jatorria 1836an koka dezakegu. Donostiako inauteriaren konpartsa gisa sortu zen eta, handik gutxira, hiriko kaleak zeharkatuz patroiaren eguna ospatzeko tradizio bihurtzen hasi zen.
San Sebastian egunean, ia ezinezkoa da Donostiako kaleetan danborradaren bat ez ikustea; izan ere, 147 konpainia baino gehiagok (20-50 danbor eta 50-100 barril inguruk osatzen dituzte, eta musika-banda bat, banderadunak eta kantinerak joaten dira haiekin batera) hiriari bizitza ematen diote haien abesti eta dantzekin.
San Sebastian egunean, ia ezinezkoa da Donostiako kaleetan danborradaren bat ez ikustea; izan ere, 147 konpainia baino gehiagok (20-50 danbor eta 50-100 barril inguruk osatzen dituzte, eta musika-banda bat, banderadunak eta kantinerak joaten dira haiekin batera) hiriari bizitza ematen diote haien abesti eta dantzekin.
Festa 00:00etan hasten da Konstituzio plazan hiriko bandera igotzearekin batera, eta hilaren 20ko 24:00ak arte jarraitzen du, toki berean bandera jaisten dutenean. Danborradako konpainiek haien danbor eta barrilekin interpretatzen dituzte Sarriegiren melodiak, eta egun osoan egoten dira hirian entzungai.
Danborradaren alaitasuna bueltan da!
Urtarrilaren 20an, berriz ere, bandera igoera eta jaitsiera egingo dira, eta helduen konpainiek ere gure kaleetan desfilatuko dute.
Gainera, Sarriegiren doinuak modu berezian entzungo dira eguerdian desfilatuko duten haurren danborraden eskutik.
Animatu gurekin batera abestera!
Hona hemen jatorrizko letra abesteko aukera izan dezazuen. Ez dio axola Donostian edo munduko beste edozein txokoren batean zaudeten! Gozen denak abestera:
Bagera…!
gu ere bai!
gu beti pozez,
beti alai
Sebastian bat bada zeruan
Donostia bat bakarra munduan
Hura da santua eta hau da herria
Horra zer den gure Donostia
(H)irutxuloko,
Gaztelupeko
Joxe Maritar zahar eta gazte. (berriz)
Kalerik kale
danborra joaz
Humore ona zabaltzen hor dihoaz,
Joxe Mari! Gaurtandik gerora penak zokora!
festara!
dantzara!
donostiarrei oihu egitera gatoz
pozaldiz
ihauteriak datoz! (berriz) Bagera…!
gu ere bai!
gu beti pozez,
beti ala
gu ere bai!
gu beti pozez,
beti alai
Sebastian bat bada zeruan
Donostia bat bakarra munduan
Hura da santua eta hau da herria
Horra zer den gure Donostia
(H)irutxuloko,
Gaztelupeko
Joxe Maritar zahar eta gazte. (berriz)
Kalerik kale
danborra joaz
Humore ona zabaltzen hor dihoaz,
Joxe Mari! Gaurtandik gerora penak zokora!
festara!
dantzara!
donostiarrei oihu egitera gatoz
pozaldiz
ihauteriak datoz! (berriz) Bagera…!
gu ere bai!
gu beti pozez,
beti ala
