Irailaren 6an eta 13an, Estropadak Donostian
Traineru estropadak bizimodu jakin batetik sortu ziren: itsas zabaleko arrantzaren ingurunetik. Ontziek pertsona indartsu eta zailduak behar zituzten, ordu luzez arraunean egiteko gai zirenak arrantza-lekuetara iritsi arte eta, arrantza bildu ondoren, portura itzultzeko, zama gainean eta ahalik eta azkarren, arraina enkantean saldu ahal izateko.
Argazkia: Koldo Mitxelena Kulturuneko Liburutegiko Hemeroteka
Denborarekin, motorrek gizakiaren indarra ordezkatu zuten ontzietan. Hala ere, hurrengo urteetan, estropaden munduak arrantzari lotuta jarraitu zuen. Sektoreko profesionalak kostaldeko tripulazio onenetan trebatzen ziren. Eta gaur egun ere, mota guztietako kirolariak sartu badira ere, arraunlariak arrantza-tradizio luzea duten herrietan sortutako klubetan aritzen dira.
Argazkia: Koldo Mitxelena Kulturuneko Liburutegiko Hemeroteka
Kontxako estropadak 1879an antolatu ziren lehen aldiz, Donostiako udako jai-programaren beste ekitaldi bat bezala. Horretarako, ordura arte elkarren aurka aritzen ziren arrantza-traineruak erabili ziren; dirua jokoan zuten desafioetan lehiatzen ziren, eta zein baino zein aritzen ziren, haien nagusitasuna erakusteko.
Argazkia: Koldo Mitxelena Kulturuneko Liburutegiko Hemeroteka
Ehun urtetik gorako tradizioak, Kontxako traineru estropadak Euskal Herriko urteko kirol-ikuskizun nagusietako bat bihurtu ditu. Beste inongo ekitaldik ez du lortzen Urgullen, Igeldo mendian, Pasealeku Berrian, Kaian eta Uhartean pilatzen den halako jendetza erakartzea. Hondartzetan zein mota guztietako ontzietan, inork ez ditu galdu nahi iraileko lehen bi igandeak, nahiz eta telebistak probak zuzenean eskaini eta irudi horiek etxe guztietara eramaten dituen.
Aurten, Estropadetako lehen jardunaldia irailaren 6an izango da, eta bigarrena irailaren 13an, Kontxako Badian. Eszenatoki ezin hobea da traineru estropada honetarako, eta hiri osoak egiten du bat ekitaldiarekin. Kantauri isurialdeko probarik entzutetsuenean, ontzirik onenak elkartzen dira, eta milaka zale hurbiltzen dira Donostiara euren taldeak animatzera. Estropadak aipatutako bi igandeetan jokatuko dira: 11:00etan emakumezkoen modalitatea eta 12:00etan gizonezkoena.
Emakumezkoen Bandera
2008an, emakumeek lehen aldiz parte hartu zuten Kontxako estropadetan, eta ordutik urtero egiten da emakumezkoen estropada, emakume kirolarien lana eta presentzia ikusgarri eginez. Izan ere, Donostiako Udaleko Berdintasun Sailak emakumeen eta gizonen kirol-arloko parte-hartze parekidea sustatzeko konpromisoa hartu zuen. Donostian irailaren 13 batean jokatu ziren lehen emakumezkoen estropada haietan, Kataluniako bi tripulaziok, Kantabriako batek, Bizkaiko beste batek eta Gipuzkoako lauk hartu zuten parte.
2008an, emakumeek lehen aldiz parte hartu zuten Kontxako estropadetan, eta ordutik urtero egiten da emakumezkoen estropada, emakume kirolarien lana eta presentzia ikusgarri eginez. Izan ere, Donostiako Udaleko Berdintasun Sailak emakumeen eta gizonen kirol-arloko parte-hartze parekidea sustatzeko konpromisoa hartu zuen. Donostian irailaren 13 batean jokatu ziren lehen emakumezkoen estropada haietan, Kataluniako bi tripulaziok, Kantabriako batek, Bizkaiko beste batek eta Gipuzkoako lauk hartu zuten parte.
