Kaixo danoi! Nola pozten nauen hemen egoteak nire beste abentura gastronomiko bat kontatzeko! Ezagutzen nauzuenok badakizue gauza gutxik egiten nautela jatea bezain zoriontsu. Asko gustatzen zait sukaldean aritzea eta pintxo berriak, errezeta bitxiak eta eguna aldatzen dizuten produktu horiek aurkitzea. Eta noski, dena Instagramen partekatzea. Baina hemen blogean idatzita uztea, oraindik hobea iruditzen zait. Goazen, beraz!
Hemengoa naiz eta pintxo artean hazi naiz, batez ere herri bakoitzeko gune enblematikoenetako pintxoen artean. Baina azkenaldian gehien gozatzen dudan gauzetako bat beste auzo batzuetan ezagutzen ez nituen pintxoak aurkitzea da. Beraz, duela ezer gutxi sukalderaino sartu nintzen – literalki – auzoko bi lokaletan, nola lan egiten duten ikusteko. Nolakoa izan zen esperientzia Amarako Aukeran eta Loiolako Erriberetako Bitácoran kontatuko dizuet.
Hemengoa naiz eta pintxo artean hazi naiz, batez ere herri bakoitzeko gune enblematikoenetako pintxoen artean. Baina azkenaldian gehien gozatzen dudan gauzetako bat beste auzo batzuetan ezagutzen ez nituen pintxoak aurkitzea da. Beraz, duela ezer gutxi sukalderaino sartu nintzen – literalki – auzoko bi lokaletan, nola lan egiten duten ikusteko. Nolakoa izan zen esperientzia Amarako Aukeran eta Loiolako Erriberetako Bitácoran kontatuko dizuet.
Bitácorako Chupa Chups otarrainxka
Urumearen ertzean Bitácora dago, duela 20 urtetik Toñi buru duen jatetxea. Senarrak “itsasoan lan egin zuela eta gero Pasaiako bakailao-ontzietan erretiratu zela, bertan sukaldari aritu zelarik”, kontatu zidan. Horregatik, leku hau ireki zutenean, Bitácora izena jarri zioten. Azken finean, leku hau bere semea bezala sentitzen du, eta bera erretiratzen denean aurrera jarraitzea gustatuko litzaioke.
Han prestatu zidan bere pintxo izarra: Chupa Chups otarrainxka tenpuran parmesano saltsarekin. Eta dastatzeko pintxo bat emateaz gain… sukaldera sartzen utzi zidan zuzenean nola egiten zuen ikusteko! Plazer handia izan zen bera lanean ikustea. Baina onena, zalantzarik gabe, pintxoa jatea izan zen. Izugarria.
Zapore sinestezin horren sekretua zein zen galdetu nion, eta esan zidan: “zatoz, erakutsiko dizut eta”. Pasai San Pedrora joan ginen, Mariscos Izaguirrera, eta han ezagutu nuen Iker. Hango itsaskiaren kalitatea ikusi bezain laster dena ulertu nuen. Sekretua horretan datza: lehen mailako produktua, denda txikietan erosia, bere lanbidea ezagutzen duen eta ondo artatzen zaituen jendearekin. Benetakotasun horren ondorioz dira gure pintxoak hain onak.
Huelvako ganbak edo otarrainxkak
Irina
Garagardoa
Olioa
Gazta parmesanoa
Azafraia
Letxuga
PRESTAKETA
Ganba zuritu eta zotz batekin zeharkatu.
Irinarekin eta garagardoarekin egindako ore batean murgiltzen da, Thermomixetik pasatuta. Hori izango da gero frijituko dugun tenpura.
Jarri ganba kopa batean eta gehitu parmesano eta azafrai krema gainetik.
Letxuga eta gazta birrinduarekin apaintzen da. Eta ogi txigortuaren xerratxo bat gehitzen zaio.
Irina
Garagardoa
Olioa
Gazta parmesanoa
Azafraia
Letxuga
PRESTAKETA
Ganba zuritu eta zotz batekin zeharkatu.
Irinarekin eta garagardoarekin egindako ore batean murgiltzen da, Thermomixetik pasatuta. Hori izango da gero frijituko dugun tenpura.
Jarri ganba kopa batean eta gehitu parmesano eta azafrai krema gainetik.
Letxuga eta gazta birrinduarekin apaintzen da. Eta ogi txigortuaren xerratxo bat gehitzen zaio.
Aukerako onddo pintxoa
Handik minutu batzuetara, Amaran, Aukera dago, Felipe IV.a kalean. Iritsi bezain laster, Julenek besarkada bat eman zidan, energia kargatzen duten horietakoa. Bere familiak 33 urte daramatza negozio honekin, bere aitak eta amak, Julianek eta Maitek, ireki zutenetik. Duela 13 urte lokala berritu zuten eta sasoiko produktuetan oinarritutako sukaldaritzaren aldeko apustua egin zuten, pintxoekin, errazioekin eta eguneko arrain eta haragiekin.
Sasoiko pintxo bat eskatu nion, eta segundo batez ere ez zuen zalantzarik izan: “Gure onddo pintxoa plantxan probatu behar duzu, bakailaozkoak ere hegan egiten duen arren”. Niretzat, sasoiko eta tokiko produktuak jatea da daukagun luxurik handienetakoa. Eta zin dagizuet onddo hori ezin hobe zegoela: samurra, urtsua, eta puntu-puntuan, gorringoarekin eta gatz ukituarekin.
Jakina, sekretua ezagutu nahi nuen. Beraz, Julenek Aitor Lasarengana eraman ninduen, Alde Zaharrera. Han artatu gintuen Maria Jesusek, une horretan onddoak garbitzen ari zela. Aldamarreko denda hau benetako delicatessen bat da, artisau gaztak, onddoak, babarrunak, errege-sagarrak eta abar dituena. Azken finean, gakoa hori da: sasoia, merkataritza txikia, hurbiltasuna eta nortasun handiko produktuak.
Boletus onddo freskoa
Arrautza-gorringoa (Gorrotxategi edo Idiazabalgoa)
Oliba-olio birjina estra
Gatz fina eta gatza ezkatetan
PRESTAKETA
Garbitu onddoa trapu heze batekin eta moztu xafla finetan.
Plantxatik pasatu, su bizian eta olio pixka batekin.
Bi aldeetatik gorritu denbora gehiegi pasatu gabe, ura gal ez dezan.
Platereratu arrautza-gorringoarekin, gatzarekin eta olioarekin.
Arrautza-gorringoa (Gorrotxategi edo Idiazabalgoa)
Oliba-olio birjina estra
Gatz fina eta gatza ezkatetan
PRESTAKETA
Garbitu onddoa trapu heze batekin eta moztu xafla finetan.
Plantxatik pasatu, su bizian eta olio pixka batekin.
Bi aldeetatik gorritu denbora gehiegi pasatu gabe, ura gal ez dezan.
Platereratu arrautza-gorringoarekin, gatzarekin eta olioarekin.
* Donostia Turismoa eta Donostiako Pintxo Institutua lanean ari dira pintxoaren kultura babesteko eta, NEXT laguntzei esker, PINTXOEN SEKRETUA proiektua jarri dute abian.
