Antigua, auzo magikoa!

Baina Antigua hori baino askoz gehiago da, beti-betiko auzoa da, denda txikiz eta terrazadun tabernaz betetako kale alaiak ditu, eta bertan, unibertsitate publikoko ikasleak eta txapela eta guzti ibiltzen diren txikiteroak biltzen dira.

Ibilbidea Loretopean hasiko dugu, gaztelaniaz, itzulpen-akats baten ondorioz Pico del Loro gisa ezagutzen da. Itsasbehera denean, Kontxako hondartzatik Ondarretakora pasa daiteke oinez. Itsasgora denean, hobe Miramart urpeko tuneletik pasatzea. Nire proposamena: egunez, hondartzatik, eta gauez, tuneletik, iluminazio oso ederra baitu.

Loretopeatik Miramar Jauregira igoko gara, garai batean errege-erreginen udako egoitza izan zen. Maria Cristina erreginak begi ona izan zuen hura aukeratzean, landa-etxe ingelesetan inspiratutakoa da eta esperientzia bikaina da bertako lorategietatik paseatzea edo zelaian atseden hartzea itsasora begira.

Argazkia @sistersandthecity

Miramar bisitatu ondoren, Ondarreta hondartza bikaina da bustialdia egiteko. Toldo zuri-urdinak dituen hondartza eta tabernatxoa hondarretan bertan, denetatik familia-giro handienekoa da. Kayakak aloka daitezke, igerilekuan bainatu edo igerian irlaraino joan. Gehiegi iruditzen zaienentzat, gabarroian geldialdia egin (erdi-erdian) eta goazen txirristan behera!

Argazkia @sistersandthecity

Freskatutakoan, Donostiako leku berezienetako batera joango gara: Haizearen Orrazira. Itsasoari begira esertzeko eta haren astinduetatik ihes egiteko leku magikoa da. Kontuz itsasoa aztoratu samar dagoen egunetan lurreko zuloetara gehiegi hurbildu gabe! Jakinaren gainean zaudete!

Haizearen Orrazitik Igeldora igoko gara; bertatik hiriko ikuspegi ederrena dugu. Autobusez igo gaitezke, 100 urte dituen funikularrean edo ausartenak bizikletaz ere igo daitezke. Hori bai, aldapa oso gogorra da!

Arkazkia @sistersandthecity

Hainbeste igoera eta jaitsierarekin, gosetu ere egin gara. Antigua auzoaren muinera sartzeko garaia iritsi da: Matia kalera. Kalearen alde batean, Miramarreko lorategien aurrean, frontoi bat dago pilota-partida bat jokatu (edo ikusi) nahi duenarentzat.

Ilunabarrean

Giroa: tabernak, jatetxeak eta pintxopotea

Matia kalea da Antigua auzoaren bizitasuna, tokiko saltoki, taberna eta jatetxez betea. Leku bikaina da auzoari neurri hartzeko eta bertako giroaz gozatzeko.  Ostegunetan, arratsaldeko zazpietatik aurrera, pintxopotea izaten da.

Auzoko giroa Trikuharri, Platero eta Drinka tabernetan: pintxoak, ogitartekoak, anoak eta menuak oso prezio onean eta kalitate bikainekoak. Zerbait desberdina nahi baduzu, Txubillo jatetxea proposatzen dizut: euskal-japoniar fusioa egiten duen sukaldaritza, edo Mera Mera jatetxe mexikarra, inauguratu berria, garagardo artisauekin.

Sert plaza (erdigunean eskultura oso ederrarekin, ezetz asmatu zer den? Pista bat: Moby Dick izena du!) zerbait hartzeko terraza beteta dago. Apuntatu, hemen pintxopotea asteazkenetan izaten da. Mandrágora tabernako tostak ederrak dira eta Lobo tabernako tortilla ere bai.

Gaueko giroa

Doka kontzertu-aretoak zuzeneko musika nahiz saltsa-topaketak eskaintzen ditu asteazkenero. Errotatxo puba adin guztietako jendearentzako taberna da. 

Antiguatik ibilbidea Google Maps-ekin

Loretopea

 

Kontxa eta Ondarreta hondartzak lotzen dituen harkaitz honek Loreto Ama Birjinari egiten dio erreferentzia; lehen ermita bat zegoen, eta hondatuta geratu zen 1876an. Orain Chillidaren eskultura txiki bat topa dezakegu: ‘Besarkada’.

Miramar Jauregia

 

Garai batean errege-erreginen udako egoitza, eta gaur egun Euskal Herriko Unibertsitatearen udako ikastaroen egoitza. Jauregia Selden Wornum arkitekto ingelesak diseinatu zuen eta lorategiak Pierre Duchase paisajistaren ardura izan ziren. Guztira, Miramar Jauregiak eta bere parkeak 34.136 m²-ko azalera hartzen dute.

Argazkia @sistersandthecity

Miramart tunela

 

Miramar Jauregiaren azpia gurutzatzen duen eta Kontxako pasealekua eta Ondarretarekin elkartzen duen 29 metroko tunel hau gurutzatzea itsasoan murgiltzea bezala da. Víctor Goikoetxea artistaren eta Xabier Barrutieta arkitektoaren lana da. Tunela artea da, arkitektura, teknologia eta energia berriztagarriak, guztia batera. Gainera, tunela aldatu egiten da gauez, ilunabarrean argitu egiten baita.

Ondarretako hondartza

 

Toldo zuri-urdinak dituen hondartza eta tabernatxoa hondarretan bertan, denetatik familia-giro handienekoa da. Kayakak aloka daitezke, igerilekuan bainatu edo igerian irlaraino joan. Gehiegi iruditzen zaienentzat, gabarroian geldialdia egin (erdi-erdian) eta goazen txirristan behera!

Argazkia @sistersandthecity

Haizearen orrazia

 

Badira leku magikoak, eta Haizearen orrazia da haietako bat. Bai itsasoa lasai dagoenean, bai olatuek Eduardo Chillida eskultorearen eta Luis Peña Ganchegui arkitektoaren artelana kolpatzen dutenean, leku hau berezia da. Lehen bi eskulturek iragana eta oraina irudikatzen dituzte eta elkarri begira daude, iraganak oraina baldintzatzen baitu, baina hirugarrena, itsasoan sartuago dagoena, gora begira dago, zerura, etorkizuna irudikatzen baitu eta nahi izan arren, ez baitugu jakiten zer dakarkigun.

Igeldo

 

Igeldo Mendira igotzeko aldapa oso gogorra da, baina behin igota, dena ahazten zaizu ikuspegi horrekin! Autobusez igo daiteke edo 100 urteko historia duen funikularrean. Behin igotakoan, kafetxo batekin erlaxa gaitezke, erretegi batean jan (oso onak daude) edo Atrakzio Parkeko suitzar mendira igo. Handik ikuspegiak harrigarriak eta mugituak dira!

Argazkia @sistersandthecity

Zubimuxu parkea

 

Parke honek bitxikeria polita du: “dantzari” bat ageri da urmaelaren piramide hexagonalean eta abesti baten arabera dantza bat interpretatzen du. Urmaeleko ura bi hormigoizko pantailaren goiko ertzetik eta bien arteko erretenetik ateratzen da. Paco López eskultorearen brontzezko bi ume-figura daude bi pantailen artetik ura nola agertzen den ikusten.

Argazkia @vegan_slowfood.unaformadevivir