GROS, modako auzoa!

Xehetasunak

Donosti Feeling

2020 Mar 05

Kaixo neska-mutilak! Gaur Grosi buruz hitz egingo dizuet. Azken urteotan modako auzo bihurtu da eta etengabe hazten ari da. Nola ez zaie ba denei gustatuko osagai horiekin!

Argazkia: @Kursaaldonostia

Hondartza eta mendia

Lehenik, Zurriola hondartza bisitatuz hasiko gara. Hondartza handi eta kirol arlokoa, horregatik bihurtu da mundu osoko gazteen eta surflarien gogokoena. Moneoren “kuboekin” hasten da, Kursaalekin, eta Saguesen amaitzen da (kontzertuen eta ekitaldien eremua). Uztailean Jazzaldiko aire zabaleko eszenatokietako bat bihurtzen da; kokapena ezin hobea da!

Esaten nizuen moduan, paseo eder honek Sagueseraino eramango gaitu; bertan, asko esertzen gara “Horman” eta ilunabar zoragarriez goza dezakegu. Ezin duzue galdu!  Eta itsasora begira, Bakearen Usoa dago, 7 metroko altuera duen Nestor Basterretxearen eskultura!

Nestor Basterretxearen Bakearen Usoa Saguesen Argazkia @antxon.e / antxonelorza.es

Hemen Ulia Mendiaren magalean gaude, bertatik pasatzen da Done Jakue bidea Oinez igotzea gomendatzen dizut… 30 minutu inguruko igoera da, baina ikuspegi zoragarriak merezi du! Gainera… esfortzua ondo ordainduta geratuko da Aterpetxean edo Uliako merenderoan pintxo ederra hartuta!

Ulia mendirako igoeratik dagoen ikuspegia

Erosketak eta pintxo-pote

Baina Grosen ez gara konformatzen hondartza eta surfa soilik eginda, bertako komertzioa eta eskaintza gastronomikoa etengabe hazten da askotariko proposamenekin. Sakona Coffee Roaster-en bertan txigortzen dute kafea, Topa Sukalderia euskal gastronomiaren eta gastronomia latinoamerikarraren lotura da, The Loaf Bakery-n ogi artisauak egiten dira, Mala Gissona Beer House-n garagardo artisauak, Papperino Il Gelato-n zapore guztietako izozki artisauak. Ezin duzu galdu izozki on batez gozatzearen tradizio donostiarra!

Eta shopping egitea gustatzen bazaizue… Grosen modako denda berezi asko topatuko dituzue, oso estilo pertsonalekoak, diseinatzaileenak edo tokiko ekintzaileenak, hala nola Oh la la, Miner, Vintage Closet, La Fábrica de Colores, Little Lola, Txantxo… eta kirol-materialari dagokionez, Izadi, Apalategi eta Pukas eta Hawaii surf-dendak nabarmentzen dira. The New York Times-ek ere Grosen erosketak egiteko 5 toki gomendatzen ditu! 

A! eta noski, ezin duzue galdu pintxopotea! (edari bat + pintxo bat 2 euroren truke). Ostegunetan izaten da eta pintxoak eta gazteen giroa nahasten dira bertan.

Kaleak

• Zurriola hiribidea – itsas pasealekua - (Ni Neu, Picachilla, The Loaf, Ondarra )
• Ramon M. Lili - Sakona
• Sagues - tabernak (Campero, Bar Monpas, El Muro…), Punta Monpas Hotela**
• Zabaleta – tabernak/gastronomia (Bar Zabaleta, La Guinda Deli & Coffe, Mil Catas, Mala Gissona Beer House, Essencia Wine Bar&Store, Belgrado…)
• Peña y Goñi – gastronomia (La Bodega Donostiarra, Ramuntxo Berri, Bodega La Notaria, El Lobo, La Tagliatella jatetxea), Arrizul Center Hotela*
• Katalunia plaza – tabernak (Portobello, Sukalde, Heladería Papperino Il Gelato (izozki artisauak)
• Zuberoa plaza – tabernak/gastronomia (La Piazzetta de Gros
• Secundino Esnaola – komertziala (Ohlala,denda txikiak)
• San Frantzisko – komertziala
• Kolon pasealekua – etxe fatxada
• Erronda kalea – Arrizul Congress Hotela****

Grosetik ibilbidea Google Maps-ekin

Kursaal

 

Arkitektura garaikidearen adierazpen handienetako bat, Donostiaren nortasun-seinalea, jaialdiak, azoka mota oro eta abar biltzen duen biltzar-jauregia.

“Kuboak” izenez ezagutzen da. Rafael Moneo arkitektoaren diseinua da eta “gelditutako bi harkaitz” irudikatzen ditu. Urteko egun bakoitzerako aukera ugari eskaintzen ditu.

Zurriolako hondartza

 

Olatuak, surfa eta gazteak dira Zurriola hondartzako osagai nagusiak. Izan ere, Zurriola da Donostian mugimendu eta giro gehien duen hondartza.

Kursaaleko kuboen eta Ulia mendiaren artean dago, eta 90eko hamarkadan birgaitu zenetik, mundu osoko gazte eta surflarien leku gogokoena bihurtu da. Zurriolan etengabe topa ditzakezu txapelketak eta surf-ikastaroak, volleyballekoak, futbol-partidak edo pala-partidak.

Bakearen uxoa

 

Zurriola pasealekuan, itsasoari begira, Bakearen Usoa dago. Nestor Basterretxea (Bermeo 1924-2014) euskal eskultoreak diseinatutako 7 metroko garaiera duen eskultura. 80eko hamarkadan eraiki zen hiriak bakearekin, askatasunarekin eta elkarbizitzarekin duen konpromisoaren sinbolo izateko asmoz.

Ulia mendia

 

Baleak bistaratzeko talaia izandako hau XX. mende hasieran egokitu zuten aristokraziarentzako aisialdiko parke gisa. Gaur egun hiriko txangozaletasunerako eremu garrantzitsuenetako bat da, bertatik pasatzen da kostaldeko Done Jakue bidea. Baleazaleen Harriaz eta Erregearen Harriaz gain (bistaratzeko postu gisa erabiltzen ziren harri handiak), piknikerako guneak, berritutako Uliako aterpetxea eta hirirako ikuspegi zoragarriak daude bertan.