Eduardo Chillida 100 urte: Musika-ibilbideak
Informazio gehiago nahi baduzu, antolatzailearen xehetasun fitxara sar zaitezke.
Musikenek, Euskal Herriko Goi Mailako Musika Ikastegiak, bi ibilbide eskultoriko-musikal diseinatu ditu Eduardo Chillidaren jaiotzaren mendeurrena ospatzeko. Horietako bat maiatzean izango da, Chillida Lekun. Bertan, museoko hiru piezatan inspiratutako hiru konposizio biltzen dituen ibilbidea planteatzen dute. Bigarrena Donostian izango da, eta hiri horretarako Chillidaren obra publikoetan barrena ibilbide bat diseinatu dute, Haizearen Orrazia, Balerdiren Omenaldia eta Flemingen Omenaldia lanetan oinarritutako hiru konposizioekin, Musikeneko ikasleek interpretatuko dituztenak.
Gainera, Musikenek eskultorearen omenezko obra baten konposizioa proposatuko du, Musikene Sinfoniettak interpreta dezan, eta Musikeneko auditorioan taularatuko da 2024ko abenduan.
