Hurbileko ibilbideak
Donostiatik oso leku desberdinetara eramango gaituzten bideak irteten dira; gezurra dirudi hain desberdinak diren leku horiek elkarrengandik hain hurbil egotea. Zeharkatzen dugun haran bakoitzaren atzean paisaia aldatzen da, arkitektura aldatzen da, bestelako euskara hitz egiten da, mikroklima berezia dago; labirinto baten barruan zaudela pentsa dezakezu. Hori dela eta, Donostiaren inguruetan ez galtzeko —edo nahiago baduzu galtzeko— pista batzuk emango dizkizugu.
Gipuzkoako bihotza ez da gorria, berdea eta gorabeheratsua da: haran sakonak, errepide bihurriak, lurraldea zeharkatzen duten ibaien ondoan jasotako herriak. Ezinbesteko barrokismoa. Barnealdea aberatsa da bihurguneetan, desnibeletan eta txoko guztiz gomendagarrietan.
Donostiaren ekialdean eta mendebaldean, itsasertza lerro ibiltaria da, itsaslabar beldurgarriak eta hondartza ederrak tartekatzen dituena eta itsasargi, begiratoki eta arrantzale giroko herri eder askoak dituena (Pasai San Pedro, Hondarribia, Donibane Lohizune, Getaria edo Zumaia, adibidez).
Donostiatik autobidea hartu, eta ordubete eskasera Bilbo bisita dezakegu eta azken urte hauetan izan duen aldaketaz gozatu; era berean, Gasteizera hurbildu gaitezke eta arkitektura errenazentista ikusgarriaz eta Euskal Herrian hobe kontserbatu den alde zaharraz goza dezakegu, edo Euskal Autonomia Erkidegoaren gainerakoaz oso bestelakoa den paisaia eta upategiak bisita ditzakegu Arabako Errioxan.
Gipuzkoa berdea
Euskal Kostaldea
Iparraldeko kostaldea
Arabako Errioxa
Hiru tenpluen ibilbidea
